Për këto tema biseduan Haradinaj e Ahmeti

09 janar 14:18

Kryetari i komunës së Prishtinës, Shpend Ahmeti, priti në takim të martën kryeministrin e Kosovës, Ramush Haradinajn, ku diskutuan çështjet e interesit të përbashkët mes Komunës dhe Qeverisë.

Në takime të tilla, ku morën pjesë edhe drejtorët e ministrat, janë shtjelluar probleme konkrete të qytetarëve të cilat mund të zgjidhen bashkërisht.

“U bisedua për tema si Ligji për Prishtinën; bartja e Pallatit të Rinisë në pronësi të Komunës; Unaza e Qytetit; kogjenerimin e Termokosit dhe tema të tjera”, është thënë në njoftimin e komunës së Prishtinës.

Po ashtu, përfaqësuesit e Komunës dhe Qeverisë dakorduan për krijimin e një Task Force për zhvendosjen e një pjese të administratës shtetërore në periferi të qytetit, duke filluar nga largimi i ATK-së, ashtu që atë objekt ta shfrytëzojmë si sallë koncertale apo pallat të operës.

Theks të veçantë në këtë takim kishte angazhimi për ngritjen e cilësisë në arsim, duke e lehtësuar punën edhe përmes udhëzimeve të reja administrative.

Lajme të sponsorizuara

Të fundit
Kompania “AL Petrol”, me rastin e përfundimit të vitit kalendarik,…