Presidenti i Real Madrid CF, Florentino Perez, ka komentuar për herë të parë zërat që lidhen me rinovimin e kontratës së yllit brazilian Vinícius Júnior.

I pyetur nëse Vinicius do ta vazhdojë kontratën me klubin madrilen, Pérez dha një përgjigje që ka ngjallur shumë diskutime.

“Nuk e di nëse do ta rinovojë kontratën”, deklaroi presidenti i Real Madridit.

Megjithatë, ai nuk e fshehu dëshirën për ta parë brazilianin të vazhdojë karrierën në “Santiago Bernabeu”, duke e cilësuar atë si një nga futbollistët më të mirë në botë.

“Nëse më pyesni për mendimin tim, unë dëshiroj që ai të qëndrojë te Real Madridi, sepse është një nga më të mirët në botë”, u shpreh Perez.

Deklarata e kreut të klubit vjen në një kohë kur spekulimet për të ardhmen e Viniciusit janë shtuar ndjeshëm, me disa klube të mëdha që raportohet se po monitorojnë situatën e tij.

Braziliani mbetet një nga figurat kryesore të Real Madridit dhe një nga lojtarët më të rëndësishëm të projektit të klubit për vitet e ardhshme. Megjithatë, komentet e Florentino Pérez tregojnë se ende nuk ka siguri të plotë sa i përket rinovimit të kontratës së sulmuesit 25-vjeçar.