Sami Salihu nga Lidhja Demokratike e Kosovës (LDK) do ta zëvendësojë Përparim Rama, në Kuvendin Komunal të Prishtinës.

Përveç Ramës, Komisioni Qendror i Zgjedhjeve (KQZ) ka miratuar edhe rekomandimin për zëvendësimin e nënkryetarit të Prishtinës, Alban Zogaj me Pëllumb Bajqinovcin.

Kujtojmë se kryetari i ri i Prishtinës, ditë më parë ka pranuar zyrtarisht detyrën e të parit të kryeqytetit.

Rama ka dhënë betimin para anëtarëve të Kuvendit Komunal të Prishtinës.