Përsëri shtim të rasteve me koronavirus në Gjermani

16 shtator 08:17

Instituti për Sëmundje Ngjitëse “Robert Koch” ka njoftuar se gjatë 24 orëve të kaluara në Gjermani janë shënuar gjashtë të vdekur nga koronavirusi. Një ditë më parë u shënuan 12 viktima. Në këtë mënyrë, numri i përgjithshëm i viktimave të sëmundjes së re në ekonominë më të fuqishme evropiane shkoi në 9 368, shkruan “The Guardian”, transmeton “Express”.

Përpos rasteve fatale, gjatë kësaj periudhe u shënuan edhe 1 901 infektime të reja dhe shifra e përgjithshme e të prekurve shkoi në 263 663. Një ditë më parë u shënuan 1 407 raste. Ndryshe, qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera.

Ndonëse është në mesin e shteteve evropiane me numrin më të lartë të personave të infektuar, Gjermania ka regjistruar shumë më pak viktima se Britania e Madhe, Franca, Italia e Spanja.

Lajme të sponsorizuara

Të fundit
Sindikata e Infermierëve, Mamive dhe Profesionistëve të Tjerë Shëndetësorë të…