Është mbajtur ceremonia e përurimit të Projektit “Intervenimi me Masa Inovative Efiçiente të Energjisë në shkollën Vesel Muja”, në Mihir të Gjilanit, projekt ky i pari i këtij lloji në fushën e efiqiencës së energjisë në Kosovë.

Ky projekt është realizuar në kuadër të sektorit të EE si dhe bashkë financuar nga Drejtoria për Zhvillim Ekonomik dhe financuar nga GIZ Gjermani përmes Asociacionit të Komunave të Kosovës

Valbona Tahiri, drejtoreshë e Zhvillimit Ekonomik në Gjilan, e ka falënderuar GIZ-in dhe AKK-në për mbështetjen e dhënë pasi ky projekt ka ndikim edhe në promovimin e menaxhimit të energjisë në nivel lokal. “Unë jam e kënaqur që përmes këtij projekti është investuar me masa inovative të EE-së në këtë shkollë si ventilimi inteligjent është pilotuar për herë të parë në Kosovë. Ky projekt ka përfunduar me sukses, kështu që nxënësit dhe mësimdhënësit do të kenë një mjedis të përmirësuar të të mësuarit pasi kemi arritur ta kthejmë këtë objekt shkollor në objekt efiçient”, ka thënë Tahiri.

Në ceremoninë e inaugurimit edhe Nazim Gagica, drejtor i Arsimit, ka falënderuar donatorët për mbështetje Komunës si dhe u ka uruar suksese mësimdhënësve, nxënësve dhe prindërve të kësaj shkolle.

Arsim Osmani, nga Asociacioni i Komunave të Kosovës dhe përfaqësuesi nga GIZ, Maliq Pireci, si dhe drejtori i shkollës, kanë shprehur mirënjohje dhe gatishmëri për realizimin e iniciativave potenciale të ngjashme edhe në të ardhmen.

(Q.R / Epoka e re)