Bordi Ekzekutiv i Komitetit Olimpik të Kosovës (KOK), ka miratuar listën e komisionit të sportit për përzgjedhjen e 10 shpresave olimpike 2024, të cilët do të mbështeten nga Ministria për Kulturë, Rini e Sport (MKRS). Bursistët, të moshës 15-21 vjeç, vijnë nga sportet e xhudos, mundjes, taekwondosë, boksit dhe atletikës.

Bursistët mbështeten me nga 150 euro në muaj, sipas rregullores së MKRS për mbështetjen e 10 shpresave olimpike Gjatë muajit janar ose shkurt, KOK-u do të përzgjedh edhe dhjetëra bursistë shpresa olimpike, të cilët mbështeten nga KOK-u. Gjatë vitit 2023, 35 bursistë u mbështeten me nga 150 euro në muaj.