Mesfushori Miralem Pjaniq pas tre muajsh në skuadrën e Barcelonës është penduar që u transferua në këtë klub, pasi shumë ndeshje po i përcjell në rolin e spektatorit.

“Do të doje të luaje më shumë? Po, është ajo që unë dëshiroj. Sinqerisht nuk arrij ta kuptoj arsyen e kësaj situate. Është e qartë që dëshiroj të luaj më shumë. Di të jap akoma më shumë, dhe kur trajneri më ka thirrur, gjithmonë i jam përgjigjur, kam bërë mirë dhe kam luajtur ndeshje të mira. Më shumë se kaq nuk di se çfarë duhet të bëj. Jam duke u stërvitur dhe ndihem gati”, ka thënë Pjaniq.

“Juventusi më ka mbetur në zemër. E ndjek gjithmonë kur mundem. Shorti më bëri shumë të lumtur, keqardhje që nuk mund të luhej me tifozë në Torino, por do të ketë raste të tjera”, ka shtuar Pjaniq.