Milazim Murati nga Gërbaci i Medvegjës është plagosur nga policia e Serbisë.

34-vjeçari është plagosur rëndë në malin që ndanë Kosovën dhe Serbinë, ku ishte i punësuar si roje mali.

Ai është transportuar nga Spitali Regjonal i Gjilanit për në Qendrën Klinike dhe Universitare të Kosovës.

Lajmin për “Klan Kosova” e ka konfirmuar mjeku kujdestar Ejup Govori.

“Po e kemi pranuar një pacient me këtë emër. Ai ka plagë në krah dhe bark”, ka thënë Govori.

Nuk dihen detajet e rastit të plagosjes.