Pohimet se qeveria do të vendosë ndalimin e qarkullimit në Mitrovicë, janë shqetësuese për qytetarët

13 korrik 13:00

Kryetari i komunës së Mitrovicës, Agim Bahtiri, ka theksuar se pohimet se qeveria do të vendosë ndalimin e qarkullimit të personave fizik nga ora 21:00 në Mitrovicë, janë shqetësuese për qytetarët.

“Kërkoj nga Qeveria e Kosovës që mos ta marrë vendim për vendosjen e kësaj mase, sepse situata me Covid-19 nuk mund të menaxhohet me këtë masë”.

“Unë i respektoj rekomandinet e IKShP-së kurdo që ato janë zyrtare, mirëpo kufizime të tilla për qytetarët e Mitrovicës nuk mund të merren pa u konsultuar me mua si kryetar komune”, ka shkruar Bahtiri në llogarinë e vet në “Facebook”.

Ai ka theksuar se çdo kryetar komune e njeh situatën në të cilën ndodhen qytetarët e tij, dhe kryetari duhet ta japë pëlqimin përfundimtar.

(M.Q / Epoka e re)

Lajme të sponsorizuara

Të fundit
Qyteti i Dubrovnikut, një nga kryeqytetet më të rëndësishme turistike…