Policia e Kosovës ka bllokuar qarkullimin në rrugën “Adem Ramadani” në kryeqytet për shkak të vizitës zyrtare të kryeministrit të Shqipërisë, Edi Rama.

Rruga që çon drejt objektit të Qeverisë së Kosovës, ku edhe do të bëhet pritja shtetërore për Ramën, po qëndron e mbyllur për qarkullim të veturave dhe qytetarëve.

Rama do të arrijë në Aeroportin “Adem Jashari” në orën 08:30, ndërkaq nga ora 08:50 deri në orën 09:00 është paraparë të bëhet pritja ceremoniale nga kryeministri i Kosovës, Albin Kurti.