Policia e Kosovës do të mbajë sot (e premte) një konferencë për media nga ora 18:00, ku do të shpalosen detaje rreth operacionit policor që është zhvilluar në një fshat të Leposaviqit.

Është bërë me dije se realizimi i operacionit policor ka rezultuar me gjetjen dhe konfiskimin e armatimit, një sasie të eksplozivit dhe uniformave ushtarake, që do të prezantohen në konferencë.

“Në këtë konferencë do ta marrë pjesë: ministri i MPB-së, z. Xhelal Sveçla,  drejtori i përgjithshëm i PK-së kolonel Gazmend Hoxha dhe zëvendësdrejtori i DRP Mitrovicë Veri Veton Elshani”, ka njoftuar policia.