Prishtina, qytet i lirë që duhet vizituar

20 nëntor 2019 | 23:52

Ueb-faqja e specializuar vlerësimin e pasurive të personave të famshëm, TheRichest.com, kësaj radhe ka sjellë një përmbledhje prej 10 qyteteve evropiane – më të shtrenjtat dhe më të lirat.

Në artikull thuhet se Evropa është një prej destinacioneve më të mira në botë për udhëtim, dhe edhe në qoshet më të errëta e më të thella në botë do të dinë për mrekullitë që kontinenti ka ruajtur për ne.

Thotë se disa prej qyteteve evropiane nuk e kanë hijeshinë për të rënë në sy, por shton se shumë prej tyre janë shumë të bukur dhe që ia vlen të vizitohen për arsye të ndryshme.

E në mesin e qyteteve të lira për t’u vizituar në Evropë është edhe Prishtina, kryeqyteti i Kosovës, i cili është renditur i pestë në listë.

“Kosova është një vend që vërtet ka kaluar nëpër ditë të errëta gjatë dekadave të fundit, dhe vetëm tani kanë nisur të dalin në anën tjetër. Prishtina është një qytet në fazën e zhvillimit dhe është krejtësisht e kuptueshme për ne. Janë shumë larg për t’u bërë pikë turistike, por duket prapa kanë investimet e duhura për të arritur këtë, që gjithmonë është pikë ideale për t’u nisur. Ata s’pretendojnë të jenë diçka që nuk janë por fatmirësisht, njerëzit janë shumë simpatikë”, thuhet në përshkrimin që i është bërë kryeqendrës së Kosovës.

Ndër qytetet tjera që kjo ueb-faqe ka listuar për t’u vizituar, janë edhe: Firence/Itali (shtrenjtë), Charleroi/Belgjikë (lirë), Talin/Estoni (shtrenjtë), Glasgow/Skoci (lirë), Kopenhaga/Danimarkë (shtrenjtë), Bruges/Belgjikë (shtrenjtë), Minsk/Bjellorusi (lirë), Sevilla/Spanjë (shtrenjtë) dhe Venecia/Itali (lirë).

Fjalët Kyçe:

Lajme të sponsorizuara

Të fundit
Linda Van Gelder, Drejtoreshë Regjionale e Bankës Botërore për Ballkanin…