Organizata e Veteranëve të Luftës së UÇK-së ka bërë me dije se u ka dërguar letra zyrtare një numri të madh të diplomatëve të huaj, të Bashkimit Evropian (BE) dhe Shteteve të Bashkuara të Amerikës (ShBA).

Në njoftimin e kësaj organizatë është thënë se se letrat e dërguara kanë të bëjnë me procesin në Gjykatën Speciale në Hagë.

Në mesin e këtyre personaliteteve, OVLUÇK-ja i ka dërguar letër është Eliot Engel, ish-kongresist i ShBA-së, Ritchie Torres, anëtar i Dhomës së Përfaqësuesve të ShBA-së, Kaja Kallas, përfaqësuese e lartë e BE-së për punët e jashtme dhe politikën e sigurisë, si dhe eurodeputetëve Lukas Mandl dhe Thijs Reuten.

“Në këto letra, OVLUÇK-ja ka shprehur shqetësimet tona për trajtimin e bashkëluftëtarëve tanë nga Dhomat e Specializuara, duke kërkuar drejtësi të barabartë dhe trajtim me respekt në përputhje me vlerat evropiane dhe ndërkombëtare”, ka njoftuar OVLUÇK-ja.

Më poshtë e keni listën e plotë të personaliteteve ndërkombëtare që OVLUÇK-ja u ka dërguar letra:

znj. Agnes Callamard, sekretare e përgjithshme e Amnesty International.
znj. Tirana Hassan, drejtoreshë rkzekutive e Human Rights Watch.
znj.Teresa Anjinho , Avokatja e Popullit të BE-së.
Ambasador Gerard McGurk, shef i Misionit të OSBE-së në Kosovë.
z. Eliot Engel, ish-kongresist i Shteteve të Bashkuara të Amerikës.
z. Ritchie Torres, anëtar i Dhomës së Përfaqësuesve të ShBA-së.
znj. Kaja Kallas, përfaqësuese e lartë e BE-së për Punët e Jashtme dhe Politikën e Sigurisë.
z. Lukas Mandl, deputet në Parlamentin Evropian.
z. Thijs Reuten, deputet në Parlamentin Evropian, dhe disa personaliteteve tjera.