Protesta në Athinë kundër marrëveshjes së emrit me Maqedoninë

20 janar 17:26

Protestuesit janë përleshur me policinë jashtë ndërtesës së Parlamentit të Greqisë, gjatë protestave ku kanë marrë pjesë dhjetëra mijëra persona, të cilët janë duke e kundërshtuar marrëveshjen e emrit me Maqedoninë.

Dhjetëra protestues kanë hedhur gurë dhe objekte të tjera ndaj policisë, teksa kanë tentuar të hyjnë në objektin e Parlamentit në Athinë.

Policia është kundërpërgjigjur, duke përdorur shkopinjtë e gomës dhe gazin lotsjellës për të zmbrapsur protestuesit.

Nëntë policë janë lënduar si pasojë e dhunës, kanë njoftuar autoritetet greke.

Qeveritë në Athinë dhe Shkup kanë arritur marrëveshjen për ndryshimin e emrit të shtetit të Maqedonisë, në Republika e Maqedonisë së Veriut.

Në këmbim të kësaj, Greqia është zotuar se do të tërhiqet nga kundërshtimet e saj që Maqedonia t’i bashkohet NATO-s dhe Bashkimit Evropian.

Ligjvënësit grekë pritet të nisin debatin më 21 janar dhe votimi për ratifikimin e marrëveshjes pritet të ndodhë në fund të javës.

Më herët gjatë këtij muaji, Parlamenti i Maqedonisë ka miratuar ndryshimet kushtetuese, që mundësojnë ndryshimin e emrit të shtetit.

Marrëveshja për emrin është duke u kundërshtuar në të dyja shtetet. Athina ka argumentuar se përdorimi i terminit “Maqedoni” nënkupton pretendime territoriale mbi provincën veriore greke, që ka të njëjtin emër dhe mbi trashëgimin e lashtë greke. /Rel/

Lajme të sponsorizuara

Të fundit
Shkëndija e Tetovës nuk di të ndalet këtë afat kalimtar…