PSD-ja dorëzon në Kuvend peticionin me mbi 11 mijë nënshkrime për faljen e gjobave gjatë pandemisë

17 qershor 14:20

Partia Socialdemokrate ka dorëzuar në Kuvendin e Kosovës peticionin me nënshkrime për faljen e gjobave gjatë pandemisë.

Nol Nushi, nga kjo parti, ka deklaruar se po i dorëzojnë mbi 11 mijë nënshkrime të mbledhura nga të gjitha qytetet e Kosovës për të kërkuar inicimin e projektligjit për faljen e gjobave gjatë pandemisë.

“Ne si qytetarë dhe aktivistë politikë kemi mbledhur nënshkrime në çdo qytet të Kosovës dhe kemi mbledhur mbi 11 mijë nënshkrime, të përmbledhura në 16 folderë”, ka thënë Nushi.

Sipas tij, arsyeja e kësaj kërkese është se gjobat ndaj qytetarëve janë shqiptuar në mënyrë jologjike dhe më nuk kanë ndonjë efekt. “Arsyeja e kësaj kërkese është sepse këto gjoba kanë qenë jologjike dhe kanë qenë të efektshme vetëm në kohën kur kanë ekzistuar masat. Një rol të madh në shtytjen tonë e ka pasur fushata e partive politike që nuk e kanë respektuar asnjë masë. Janë ndarë më shumë se 200 mijë dënime, që i bie se 10 për qind e qytetarëve janë dënuar, në ndërkohë nuk kemi vaksina, ndihma ekonomike dhe po gjobiten qytetarët”, ka thënë ai.

Nushi shtoi se për të marrë këtë hap i ka shtyrë fushata elektorale e partive politike në të cilën nuk është respektuar asnjë masë e pandemisë dhe askush s’është dënuar.

 

 

Lajme të sponsorizuara

Të fundit
Janë publikuar formacionet zyrtare të ndeshjes mes Ukrainës dhe Maqedonisë…