Jennifer Lopez mund të jetë dukur me shumë vetëbesim dhe e lumtur në tapetin e kuq të Met Gala 2019, por nuk ishte gjithçka e tillë për yllin e muzikës pop.

Në një video që këngëtarja e ka postuar në llogarinë e saj në “Youtube” ku shihen prapaskenat e kësaj ngjarje vërehet se Lopez ka pasur edhe disa momente shumë emocionale.

“Duket qartë që ne jemi shumë më të mërzitur këtë vit – madje unë qava gjatë provës së parë për fustanin tim”, ka thënë Lopezi, duke treguar për fustanin e saj të markës “Versace”.

Këngëtarja dhe aktorja 49-vjeçare është emocionuar shumë për shkak të lidhjes së saj të ngushtë me Luigi Massi, një nga dizenjatorët e markës “Versace”, i cili ka vdekur muajin e kaluar në moshën 53-vjeçare pas një sulmi në zemër.

Fustani që Lopezi e kishte të veshur në Met Gala ishte një nga fustanet e fundit që ai ka dizajnuar para se të ndërronte jetë.

“E di që Luigi po e dizajnonte këtë fustan pak para se të vdiste dhe kjo është shumë e vështirë për mua, por është edhe një vlerësim për punën e tij”, ka thënë fituesja e çmimit Grammy.

Fustani ngjyrë u krijua për 50 ditë derisa Jennifer Lopezit iu deshën edhe shtatë orë shtesë që të dukej mrekullueshëm në këtë ngjarje shumë të rëndësishme në botën e modës.