Putini tregon se pse s’e ka uruar ende Bidenin për fitoren e zgjedhjeve në ShBA

22 nëntor 15:47

Presidenti i Rusisë, Vladimir Putin beson se ka probleme në sistemin zgjedhor në ShBA.

Ai ka thënë se kjo ishte absolutisht e qartë për të gjithë botën.

Sipas Putinit, vetëm amerikanët mund ta vlerësojnë legjitimitetin e zgjedhjeve në Amerikë.

“Ju e shihni, nëse autoritetet janë legjitime ose jo, vetëm amerikanët mund ta vlerësojnë atë” ka thënë Putini në një intervistë për kanalin televiziv “Russia-1”.

Putini ka thënë se të metat e sistemit zgjedhor amerikan mohojnë të drejtën e Shteteve të Bashkuara për të akuzuar ndonjë vend tjetër për rregulla të këqija zgjedhore, duke shtuar se Moska kundërshton ndërhyrjen në punët e brendshme të Amerikës. Në këtë kontekst, ai ka akuzuar se Uashingtoni zyrtar po e bën pikërisht atë.

“Shikoni zgjedhjet. Ata nuk lejojnë vëzhguesit të afrohen më pak se 7 metra”, ka thënë Putini, duke theksuar përsëri se kjo është çështje e brendshme e SHBA-së.

Më tutje, ai ka shpjeguar se pse nuk e ka uruar ende presidentin e zgjedhur, Joe Biden për fitoren në zgjedhjet presidenciale.

Sipas tij, është e nevojshme të pritet që të gjitha çështjet ligjore dhe procedurat të mbyllen, ndërsa ka thënë se mungesa e një urimi zyrtar në këtë kohë për presidentin e ri të ShBA-së nuk do t’i dëmtojë marrëdhëniet me Uashingtonin.

“Ne e respektojmë presidentin aktual Donald Trump dhe kandidatin për presidentin e ri të ShBA-së, Joe Biden dhe nuk kemi asnjë problem me këtë”, ka thënë presidenti rus, duke kujtuar se shumë liderë e kishin përgëzuar Hillary Clintonin në zgjedhjet e parafundit në ShBA, por në fund doli se Donald Trump i kishte fituar zgjedhjet.

“Ne do të bashkëpunojmë me secilin kandidat që e ka fituar besimin e shumicës së popullit amerikan”, ka thënë Putini. Ai ka përsëritur se nuk ka qëllime të fshehura të Moskës ose pak a shumë favorizim për njërin ose tjetrin kandidat për Shtëpinë e Bardhë.

“Ne jemi vetëm duke pritur derisa të përfundojnë zgjedhjet dhe trazirat politike në Amerikë”, ka thënë Putini.

Lajme të sponsorizuara

Të fundit
Sulmuesi Arb Manaj bëri një hap të rëndësishëm në karrierën…