Kryetari i Komunës së Podujevës, Shpejtim Bulliqi, ka pritur në takim Mahmut Abbas, drejtor i përgjithshëm i Organizatës “Qatar Charity”, me të cilin u pajtuan për vazhdimin e bashkëpunimit.

Gjatë takimit kryetari Bulliqi dhe drejtori i përgjithshëm i “Qatar Charity” nënshkruan marrëveshje për vazhdimin e bashkëpunimit në disa fusha.

Në kuadër të marrëveshjes së nënshkruar “Qatar Charity” do të sjellë donacion 380 pako ushqimore për familjet në nevojë. Me këtë rast kryetari Bulliqi e falënderoi Abbasin për bashkëpunimin dhe përkrahjen e vazhdueshme të organizatës në realizimin e projekteve të ndryshme në Komunën e Podujevës.

Gjithashtu, në takim u bisedua për realizimin e projekteve të tjera gjatë këtij viti nga kjo shoqatë në Komunën e Podujevës.

“Qatar Charity” në partneritet me Komunën e Podujevës do të investojë në shëndetësi, bujqësi dhe çështjen e banimit për familjet në nevojë. Kjo organizatë deri tani ka ndërtuar dy shtëpi banimi për familje me gjendje të rëndë sociale.