Qëndrim Sahiti do të jetë kandidat për asamble komunale në Prishtinë në kuadër të Partisë Socialdemokrate në zgjedhjet lokale të 12 tetorit.

Ai në këto zgjedhje garon me numrin 6-shtë në listën e PSD-së.
Sahiti ka shkruar në “Facebook” se Prishtina ka nevojë për përfaqësues që e njohin thellësisht jetën e qytetarëve, që flasin me zë të qartë për nevojat e tyre dhe që nuk bëjnë kompromis kur është në pyetje e mira e përbashkët.

“Me Besa Shahinin si kandidate për kryetare dhe Partinë Socialdemokrate në asamble, jemi të vendosur që dijen, përvojën dhe energjinë tonë ta vëmë në shërbim të qytetarëve dhe zhvillimit të drejtë të Prishtinës”, ka shkruar Sahiti.

Postimi i plotë i tij:

Të dashur miq dhe familjarë,

Pas shumë vitesh angazhimi si aktivist dhe katër vite përvojë në Asamblenë Komunale të Prishtinës (2017–2021), kam vendosur që sërish të kandidoj për Asamble Komunale, me qëllim që të kontribuoj drejtpërdrejt për qytetin tonë.

Prishtina ka nevojë për përfaqësues që e njohin thellësisht jetën e qytetarëve, që flasin me zë të qartë për nevojat e tyre dhe që nuk bëjnë kompromis kur është në pyetje e mira e përbashkët. Për fat të keq, një gjë e tillë ka munguar në përbërjen e fundit të asamblesë.

Me Besa Shahinin si kandidate për kryetare dhe Partinë Socialdemokrate në asamble, jemi të vendosur që dijen, përvojën dhe energjinë tonë ta vëmë në shërbim të qytetarëve dhe zhvillimit të drejtë të Prishtinës.

Ju ftoj të më mbështesni në këtë garë, për t’i dhënë Prishtinës një asamblist që flet pak, punon shumë dhe që është gjithmonë i përgjegjshëm ndaj qytetarëve.