Në Greqi zjarret shkrumbuan Atikën lindore, duke ua marrë jetën 81 personave. Në mes të katastrofës dhe makthit nga tragjedia, një fotografi e një qeni të bukur që u ngjit majë një shkëmbi në mes të detit në Mati, ndërkohë që pylli dhe vilat digjeshin nga flakët, ka marrë vëmendjen e medieve dhe rrjeteve sociale.

Pas postimit të fotografisë në internet, shumë prej tyre u përpoqën t’i gjenin pronarët e saj. Përpjekjet ishin të suksesshme, pasi qeni Lua u ribashkua me pronarët.