QPD dhe QRA në Kaçanik dhe Zubin Potok pezullojnë ofrimin e shërbimeve me palë

02 dhjetor 11:10

Ministria e Punëve të Brendshme, përkatësisht Agjencia e Regjistrimit Civil ka njoftuar qytetarët se në Qendrën për Pajisje me Dokumente dhe Qendrën për Regjistrim të Automjete në Kaçanik dhe Zubin Potok, disa zyrtarë të këtyre Qendrave kanë rezultuar pozitiv me Covid-19.

Për shkak të rrezikut nga përhapja e Covid-19, është marrë vendim që Qendra për Pajisje me Dokumente dhe Qendra për Regjistrim të Automjeteve në Kaçanik dhe Zubin Potok, të pezullojnë ofrimin e shërbimeve me palë.

Deri në përfundimin e procesit të testimit të stafit të këtyre qendrave, të gjitha shërbimet e aplikimit për pajisje me dokumente, mund të bëhen nëpër Qendrat për Pajisje me Dokumente dhe Qendrat për Regjistrim të Automjeteve të komunave më të afërta për qytetarët.

Përjashtim të rasteve të tërheqjes së dokumenteve të gatshme të cilat vazhdojnë të kryhen në QPD-në në Kaçanik dhe Zubin Potok.

(Q.R / Epoka e re)

Lajme të sponsorizuara

Të fundit
Gjykata Kushtetuese po mban seancë “online” me palët lidhur me…