Në bisedën e zhvilluar me homologun kroat, Andrej Plenkovic në Davos, kryeministri shqiptar Edi Rama raportohet të ketë kërkuar që vendimi për ekstradimin ose jo të Ismail “Ballist” Morinën, të jetë i drejtë dhe i ndershëm.

Kujtojmë se prej disa muajsh Ballist Morina mbahet në paraburgim në Kroaci pas një urdhër-arresti ndërkombëtar të lëshuar nga Serbia.

Kroacia ende nuk ka marrë një vendim përfundimtar lidhur me ekstradimin ose jo të Ballist Morinës.

Sipas informacioneve që vijnë nga zyra e shtypit të kryeministrisë, përpos kërkesës për Morinën, Rama ka biseduar me Plenkovic edhe për integrimin europian të Shqipërisë.

Raportohet se Rama ka marrë mbështetjen e kryeministrit kroat për hapjen e negociatave mes Shqipërisë dhe BE-së.