Kryetari i Prishtinës, Përparim Rama, ka bërë me dije se mbrëmë është takuar me politikani serb nga Vojvodina, Nenad Çanak.

Rama ka thënë se me Çanakun dhe disa deputetët e aktivistë ukrainas të cilët po qëndrojnë për vizitë, ka pasur diskutime pozitive.

Rama e ka cilësuar Çanakun si përkrahës të shtetit tonë.

Postimi i plotë i Ramës:

Mirëpritëm në Prishtinë deputetë e aktivistë ukrainas, të cilët po qëndrojnë për vizitë në Republikën e Kosovës.

Takuam edhe politikanin nga Vojvodina, Nenad Çanak, i cili është përkrahës i shtetit tonë.

Patëm diskutime pozitive e të frytshme dhe shkëmbyem ide se si mund të afrohemi si shtete përmes diplomacisë kulturore.