Ministri për Komunitete dhe Kthim, Nenad Rashiq, ka pasur një porosi për gazetarët të mërkurën gjatë konferencës për medie, ku ka folur për rregulloren e re të Bankës Qendrore që ndalon përdorimin e dinarit në Kosovë.

Rashiqi ka thënë se ndaj presidentit serb, Aleksandër Vuçiq nuk ka fare besim.

Ai ka thënë se kur “Vuçiq thotë mirëmëngjesi, unë e di që është natë”.

“Sa i përket presidentit Vuçiq, ai kur thotë mirëmëngjesi, unë e di që është natë! Pastaj merrni me rezerva se çfarë thotë Vuçiqi”, ka thënë Rashiqi.