Real Madridi e lejon Xabi Alonson: Mund të lërë në stol kë të dojë!

13 korrik 2025 | 08:58

Sipas asaj që raporton prestigjiozja spanjolle Marca, Real Madridi i ka bërë të qartë Xabi Alonsos se do të ketë liri të plotë për të vendosur formacionin dhe për të menaxhuar ekipin sipas vizionit të tij.

“Klubi i ka dhënë atij të drejtën që të aktivizojë ose të lërë në stol cilindo lojtar, pa asnjë përjashtim,” shkruan Marca.

Ky vendim tregon besimin e madh që drejtuesit e “Los Blancos” kanë tek trajneri i ri, i cili pritet të nisë një epokë të re në Santiago Bernabéu.

Xabi Alonso, një ish-mesfushor legjendar i Realit, pritet të sjellë një frymë të re dhe një stil loje modern, ndërsa klubi i garanton mbështetje të plotë për të marrë vendime të guximshme, pavarësisht emrave të mëdhenj në dhomën e zhveshjes. Me këtë liri të pakufizuar, Real Madridi sinjalizon se projekti sportiv do të jetë mbi gjithçka dhe se nuk do të ketë asnjë “të paprekshëm”.

Lajme të sponsorizuara

Të fundit
Sot për herën e 46’të në kuvendin e Kosovës do…