Real Madrid rikthehet në rrugën e fitoreve në La Liga, duke marrë një sukses të vuajtur 2-1 ndaj Celta Vigos. Ishte një duel që do të zgjidhej nga Karim Benzema.

Sulmuesi francez konkretizoi me saktësi dy 11-metërsh të fituar në secilën pjesë. Fillimisht ai realizoi në minutën e 19-të, por Nolito në fillimin e fraksionit të dytë u harrua në zonë duke vendosur baraspeshën momentale.

Benzema shpërdoroi një penallti në minutën e 64-t, por 5 minuta më pas do të korrigjonte gabimin e tij. Ky ishte goli i 24-t sezonal për sulmuesin francez, i cili po kalon një sezon fantastik. Reali ndërkohë arratiset në krye me 69 pikë, 12 më shumë se Sevilla.