Reuteni: Krenar që më në fund e realizuam premtimin e vonuar të BE-së për Kosovën
Parlamenti Evropian (PE) ka miratuar të martën dosjen për liberalizimin e vizave për Kosovën.
Me këtë rast, eurodeputeti holandez, Thjis Reuten, i cili është raportues për vizat e Kosovës në PE, pas këtij miratimi ka thënë se më në fund e kanë realizuar një premtim të vonuar për Kosovën.
“Parlamenti Evropian jep dritën jeshile përfundimtare për udhëtimin pa viza në BE për Kosovën. Krenar që më në fund e realizuam këtë premtim të vonuar të BE-së për qytetarët e Kosovës. Ju jeni pjesë e Evropës! Tani mund të hapim kapitullin tjetër duke ndërtuar më tej të ardhmen tonë të përbashkët evropiane”, ka thënë ai.
European Parliament gives final green light to visa free travel to the EU for Kosovo 🇽🇰!
Proud we have finally delivered on this long overdue EU promise to the citizens of Kosovo. You are part of Europe! Now we can open the next chapter further building our shared 🇪🇺 future. pic.twitter.com/Db1zNOq8LM
— Thijs Reuten 🇪🇺🌹 (@thijsreuten) April 18, 2023
Sipas vendimit të dakorduar të institucioneve të BE-së, qytetarët e Kosovës do të mund të lëvizin pa viza në zonën Schengen nga 1 janari 2024.
Procedura e vetme e mbetur pas miratimit nga PE është botimi i vendimit në Gazetën Zyrtare të BE-së dhe hyrja në fuqi e tij.
