Rreth 90 mijë qytetarë në Britani kanë shprehur interesim për strehim të refugjatëve ukrainas
15 mars 2022
| 15:47
Të hënën, 14 mars, Qeveria britanike ka prezantuar skemën e re të refugjatëve, duke iu mundësuar njerëzve në Mbretëri të Bashkuar që të strehojnë refugjatët ukrainas.
Qeveria do t’iu ndihmojë britanikëve me 350 funta në muaj, për secilin person që strehojnë.
Të dhënat e 15 marsit kanë treguar se 88 mijë e 712 njerëz kanë shprehur interesim për strehim në faqen qeveritare.
Rreth 4 mijë e 600 viza u janë garantuar ukrainasve deri të hënën, ka thënë Zyra e Jashtme britanike.
Sipas të dhënave të publikuara në faqen zyrtare, 17 mijë e 600 njerëz kanë aplikuar për viza.