Niveli i papunësisë më i lartë tek gratë që punojnë në sektorët e prekur nga pandemia

Papunësia në Bashkimin Evropian në 8 muaj arriti nivelin e saj më të lartë por është më e ulët nga ajo që pritej.

Skemat e ndërmarra për rimëkëmbjen nga pandemia, të instaluara në shumë shtete, arritën të mbrojnë tregun e punës në vendet e BE, të prekur rëndë nga kriza e shkaktuar nga CIVUD-19.

Në maj niveli i papunësisë në BE ishte 6.7%, nga 6.6% që u regjistrua gjatë muajit prill.

Sipas të dhënave gratë janë ato të cilat u prekën më shumë nga humbja e vendeve të punës gjatë majit. Niveli i papunësisë u rrit te gratë por mbeti i qëndrueshëm për burrat.

Guy Ryder, Kreu i Organizatës Ndërkombëtare të Punës shpjegon gjithashtu këtë tendencë.

“Gratë punojnë kryesisht në sektorët që janë goditur më shumë nga pandemia. Ato punojnë kryesisht në punë të brendshme, janë në frontin e parë në sektorët e shndësit dhe kujdesit social. Dhe kjo pjesë e cila mbulohet më së shumti nga gratë është intensifikuar nga pandemia. Kështu ne rrezikojmë të humbasim arritjet modeste që kemi bërë vitet e funidt sa I përket barazisë gjinore,” thotë ai.

Banka qendrore evropiane bën me dije se niveli I papunësisë në eurozonë mund të rritet me mbi 10 përqind në tremujorin e tretë të këtij viti. Që nga nisja e muajit maji kur nisën të lehtësohen masat kufizuese me dhjetëra kompani evropiane shkurtuan vendet e punë. Euronews