Ngritja e çmimeve të jashtëzakonshme të rrymës dhe e produkteve të tjera bazike ka vështirësuar jetën e qytetarëve, për të cilat shteti ende nuk ka bërë sa duhet për mbrojtjen e tyre.

Ngritja e çmimeve të jashtëzakonshme të rrymës dhe e produkteve të tjera bazike ka vështirësuar jetën e qytetarëve, për të cilët shteti ende nuk ka bërë sa duhet për mbrojtjen e tyre.

Kështu ka thënë Dardan Abazi hulumtues i lartë në Instituti për Politika Zhvillimore (INDEP) në tryezën e diskutimit “Ngritja e çmimeve në treg dhe mbrojtja e konsumatorit”.

Madje, Abazi ka theksuar se ankesat e konsumatorëve janë të shumta për rritje të çmimeve të pa paralajmëruar nga tregtarët, siç u shpreh ai në disa raste ka edhe dyshime për këto shtrenjtime për marrëveshje kartel.

Çuditërisht numri i ankesave nga konsumatorët që janë adresuar në Ministri të Industrisë, Ndërmarrësisë dhe Tregtisë (MINT) është tejet i ulët.

Sipas kësaj ministrie nga janari deri në shtator janë paraqitur vetëm 19 ankesa, derisa nga shtatori e deri tash kur janë rritë çmimet janë jo më shumë se 4 ankesa nga konsumatorët.

Këtë numër të pakët të ankesave, udhëheqësi i Departamentit të Tregtisë në MINT, Zef Dedaj, ka thënë se qytetarët janë të vetëdijshëm që këto rritje të çmimeve kanë ardhur si pasojë e importit të mallrave.

“Nëse ne po importojmë mallra kjo nënkupton që ne po importojmë edhe rritje të çmimeve. Fatmirësisht për rrymën nuk ka rritje. Sa i përket rritjes së çmimeve të karburanteve dhe të tjera kjo ka ndodhur dhe është vërtetuar nga ASK. Gjithsesi se është shqetësuese rritje e çmimeve për produkteve bazike, që bëjnë pjesë buka, vaj ushqimor, mishi dhe të tjerët”,  ka thënë ai, raporton “Ksp”.

Ndërsa kryetari i OEK-ut, Berat Rukiqi, ka thënë se kriza energjetike dhe rritja e çmimeve të rrymës ka prekur më së shumti bizneset.

Në këtë kontekst, ai ka inkurajuar bizneset për rritjen e pagave për punëtorët, derisa ka theksuar se disa kompani tashmë janë duke bërë një gjë të tillë.