Rritja shqetësuese e të infektuarve me Covid-19, ministri Zemaj vjen me një apel

29 qershor 10:21

Ministri i Shëndetësisë, Armend Zemaj u ka bërë thirrje qytetarëve që të respektojnë masat kundër koronavirusit, pas rritjes së theksuar të rasteve.

Përmes një shkrimi në rrjetin social “Facebook”; Zemaj ka thënë se koronavirusi vazhdon të kërcënojë shëndetin tonë.

“I tërë personeli mjekësor në klinikat e QKUK dhe në spitalet rajonale është i mobilizuar maksimalisht. Klinika Infektive në Prishtinë duhet përforcuar me kapacitete të reja. Është detyrë e elitave intelektualëve, punëtorëve, burrave, grave, rinisë dhe gjyshërve, që të reflektojnë. Kujdesuni për familjen dhe të dashurit!”, ka shkruar ai.

Shkrimi i plotë i Zemajt:

Të dashur qytetarë,

Armiku i padukshëm vazhdon ta kërcënon shëndetin tonë.

Disa qytetarë të Kosovës dhe mijëra persona në mbarë globin fatkeqësisht kanë humbur jetën.

Nga kjo pandemi së fundi janë prekur edhe institucionet kryesore të shtetit.

Kjo e hedh poshtë idenë e atyre që mendja iu punon për konspiracione dhe që pretendojnë se virusi nuk ekziston, ose e relativizojnë rrezikun e tij.

Kjo luftë po zhvillohet kryesisht në frontin e shëndetësisë.

I tërë personeli mjekësor në klinikat e QKUK dhe në spitalet rajonale është i mobilizuar maksimalisht.

Klinika Infektive në Prishtinë duhet përforcuar me kapacitete të reja.

Është detyrë e elitave intelektualëve, punëtorëve, burrave, grave, rinisë dhe gjyshërve, që të reflektojnë.

Kujdesuni për familjen dhe të dashurit!

Reduktoni kontaktet, që të evitohet përhapja e virusit!

Të mos paguajmë kosto të lartë. Sistemi ynë shëndetësor të mos mbingarkohet.

Respektoni udhëzimet e “Manualit për mbrojtje nga përhapja e virusit COVID-19”.

Për mosrespektuesit e udhëzimeve dhe shkelësit e rregullave do të ketë gjoba dhe ndëshkime sipas ligjit.

Lajme të sponsorizuara

Të fundit
Kryeministri, Edi Rama, do të zhvillojë sot një vizitë dyditore…