Është lansuar projekti “Ruje, mos e gjuj”, i cili synon ngritjen e vetëdijes për rëndësinë e menaxhimit të mbeturinave dhe riciklimit.

Projekti do të implementohet nga “Green Art Center”, ndërsa mbështetet nga “Coca-Cola HBC Kosova” dhe Ministria e Mjedisit dhe Planifikimit Hapësinor (MMPH).

Me këtë rast është nënshkruar edhe një memorandum i bashkëpunimit.

Ministri i MMPH-së, Fatmir Matoshi, ka thënë se do të mbështesin çdo iniciativë e cila për qëllim ka mjedisin e pastër.

Ndërsa drejtori ekzekutiv i “Coca-Cola HBC Kosova”, Neritan Tira, ka thënë se pavarësisht vështirësive për të menaxhuar sistemin e mbeturinave, do të përkrahin projekte të tilla.

Edhe drejtoresha ekzekutive e “Green Art Center”, Merlina Beu-Muçaj, ka thënë se do ta përkrahin këtë projekt.

“Ne bashkërisht mundemi. Do t’ia dalim dhe do ta bëjmë një Kosovë ekologjike”, ka thënë ajo. /EO/