Renato Sanchez u cilësua si një ndër talentët më të mëdhenj të mesfushës dhe Bayern Muncheni pagoi rreth 40 milionë euro te Benfica për kartonin e tij para tre vjetësh.

21-vjeçari nuk arriti të përshtatej me “bavarezët”. “Bild” zbulon se Sanchezi ua ka bërë të qartë dëshirën e tij edhe shokëve mes pjesëve në ndeshjen e fundit ndaj Frankfurtit se nuk dëshiron të jetë pjesë e Bayernit.

“Falë Zotit kanë mbetur edhe 45 minuta. Po pres me padurim që të nisem në pushime. Nuk di gjë për të ardhmen, por nuk e kam ndërmend të kthehem përsëri te Bayerni”, citohet të ketë thënë Sanchezi.