Së paku 10 civilë kanë humbur jetën pasi automjeti me të cilin udhëtonin është sulmuar me bombë, në provincën Khost të Afganistanit.

Zëdhënësi i Ministrisë së Brendshme, Nasrat Rahimi, ka thënë se shpërthimi ka ndodhur në qarkun Ali Sher, mëngjesin e së martës.

Viktimat përfshijnë tre fëmijë, dy gra dhe pesë burra, tha Rahimi.

Talib Mangal, zëdhënës i guvernatorit të provinës, ka thënë se të gjitha viktimat kanë qenë anëtarë të së njëjtës familje.

Autoritetet afgane kanë fajësuar militantët talibanë për sulmin.