Së paku 15 njerëz të vdekur në një aksident rrugor në Afganistan

21 shtator 2018 | 11:17

Autoritetet në perëndim të Afganistanit thanë se së paku 15 njerëz, përfshirë tri gra dhe dy fëmijë, kanë vdekur kur autobusi me të cilin udhëtonin është përplasur me një kamion.

Së paku 30 vetë të tjerë janë plagosur në aksidentin në qarkun Bakva, kanë thënë zyrtarët.

Nasir Mehri, zëdhënës i guvernatorit të provincës Farah, i ka thënë “Radios Evropa e Lirë” se autobusi ka qenë duke udhëtuar nga provinca Herat për në Kandahar.

Raportohet se shoferi i autobusit ka vozitur shumë shpejt.

Në Afganistan, çdo vit, vdesin qindra njerëz në trafik, për shkak të autostradave nën standarde dhe makinave të vjetra.

Lajme të sponsorizuara

Të fundit
Shtetet e Bashkuara të Amerikës (ShBA) i kanë vendosur sanksione…