Veprimtari Muhamed Vila, i cili jeton dhe vepron në Gjermani, i ka kushtuar një shkrim kandidatit për asamblenë komunale të Hanit të Elezit, Sead Vila.

Në shkrimin e tij, Muhamed Vila e ka cilësuar kandidatin Sead Vila si çlirimtar dhe profesor, duke theksuar se ai garon në listën e fuqishme të fitores – atë të Vetëvendosjes.

Postimi i plotë i Vilës:

Çlirimtari e profesori SEAD VILA me listën e fuqishme.
Prof. Sead Vila ka hyrë në garë për Asamblenë Komunale si pjesë e Lëvizjes Vetëvendosje, me një synim të qartë: t’i japë zë qytetarëve dhe të kontribuojë në ndërtimin e një qeverisjeje vendore të drejtë, transparente dhe në shërbim të qytetarit të zakonshëm në Han të Elezit.
I rritur me vlerat e ndershmërisë dhe punës së palodhur, Seadi përfaqëson gjeneratën e re që nuk pranon të rrijë duarkryq përballë padrejtësive, nepotizmit dhe keqmenaxhimit. Ai beson fuqishëm se ndryshimi fillon nga poshtë – nga lagjet, fshatrat dhe qytetet tona – dhe është i bindur se vetëm me përfaqësim të pastër dhe të përgjegjshëm mund të ndërtojmë një të ardhme më të drejtë për të gjithë.
Me përkrahjen e Lëvizjes Vetëvendosje, Seadi angazhohet të luftojë për transparencë në menaxhimin e buxhetit komunal, për përfshirje aktive të të rinjve në vendimmarrje, dhe për zhvillim të qëndrueshëm ekonomik dhe social në komunën tonë.
Kandidatura e tij nuk është vetëm një emër në listë – është thirrje për shpresë, për dinjitet dhe për një angazhim të ri qytetar. Ai vjen jo me premtime boshe, por me vullnet, energji dhe përkushtim për të dëgjuar dhe vepruar për qytetarët e Hanit të Elezit.
Suksese e respekt nga Mërgata.