Semi po viktimizohet brenda shtëpisë së “Big Brother VIP”? Psikologia: Nuk e bën për të manipuluar…
Banorët VIP të “Big Brother” nuk kanë ngurruar në asnjë moment që të rrëfejnë historitë e tyre shumë personale që kur u bënë pjesë e reality show-t.
Madje disa prej tyre, brenda shtëpisë më të famshme në Shqipëria kanë folur edhe lidhur me shëndetin mendor.
Disa komentues në profilin zyrtar të “Big Brother VIP” në “Instagam”, i kanë konsideruar të ekzagjeruar reagimet e disa prej tyre. Madje sipas tyre, edhe momenti kur Semi kalon në të qara pas një krize paniku bëhet për “viktimizim”.
Psikologia e njohur, Aleksandra Puçi, ishte ditën e djeshme e ftuar në emisionin “Ftesë në 5”, ku nuk ngurroi të komentonte këtë çështje.
“Ka tendencë që një pjesë e personave të cilët përjetojnë shqetësime emocionale priren të viktimizohen për të marrë vëmendje. Por duhet të kemi të qartë që nuk e bëjnë këtë vetëm për të manipuluar që të ndihen më mirë, por sepse viktimizimi është shenjë që realisht s’ndihen mirë. Brenda tyre janë pasiguritë, frikërat që i shtyjnë drejt këtyre reagimeve. Nuk e bëjnë thjesht sepse duan dhe argëtohen, por sepse vërtetë nuk kanë një ekuilibër të mirë emocional”, tha ndër të tjera ajo!