Tottenham Hotspur e mposhti sot Sheffield United (1-3), në ndeshjen e Premier Ligës që u zhvillua në “Bramall Lane”.

Pas pesë minutave lojë, Serge Aurier realizoi për 0-1. Ndërsa kapiteni Harry Kane e shfrytëzoi një asistim të Pierre-Emile Hoejbjerg për të 0-2, pak minuta pa përfunduar pjesa e parë e ndeshjes.

Në minutën e 59-të, vendasit e ngushtuan epërsinë në 1-2 me golin e shënuar nga David McGoldrick. Tre minuta me vonë Tanguy Ndombele e vulosi rezultatin final 1-3.

Nga ora 17:30 zhvillohet derbi i kësaj xhiro mes Liverpoolit dhe Manchester United.

/Epoka e re/