Një shpërthim i fuqishëm ka dridhur mbrëmë në orën 12:50 veriun e Mitrovicës.

Banorët e lagjes “Tre Rrokaqiejt” ku ndodhi shpërthimi thanë për “Mitropol” se ky ishte shpërthimi më i fuqishëm që ka ndodhur gjatë viteve të fundit dhe dyshimet janë se është hedhur një granatë dore.

Mjeti i shpërthyer u hodh në drejtim të një veture të tipit ‘Shkoda’, e cila është djegur dhe ka shkaktuar tym të madh, me ç’rast është larguar nga vendi pas rreth një ore.

Sipas asaj që raportuan banorët, shpërthimi ka ndodhur te vendi që njihet si ‘Qershija’, apo ‘Teqja e Vjetër’.