Shpërthim në Afganistan, disa të vrarë dhe të plagosur

07 tetor 17:00

Të paktën 10 persona, përfshirë një fëmijë, janë vrarë pas shpërthimit të një bombe në provincën lindore Nangarhar të Afganistanit.

Zëdhënësi i provincës, Ataullah Khogyani, ka thënë se 27 persona të tjerë janë plagosur në sulmin që shënjestroi një minibus, që transportonte rekrutë të rinj të ushtrisë në qytetin Xhalalabad.

Askush nuk e ka marrë përgjegjësinë për sulmin, por në këtë rajon janë mjaft aktiv talibanët dhe grupi militant i ashtuquajtur, Shteti Islamik.

Arritja e një marrëveshjeje të paqes midis talibanëve dhe Shteteve të Bashkuara dështoi muajin e kaluar, pasi presidenti amerikan, Donald Trump urdhëroi ndërprerjen e bisedimeve.

Ai ka thënë se grupi nuk mund të jetë garantues për marrëveshjen, përderisa nuk mund të garantojë as ndaljen e sulmeve.

Shtetet e Bashkuara synonin që të arrinin marrëveshje me talibanët në mënyrë që më pas të mundësohet tërhiqja e forcave të huaja nga Afganistani.

Lajme të sponsorizuara

Të fundit
Zëdhënësja e Bashkimit Evropian, Maja Kocijançiq, ka thënë se 6…