Të paktën 32 persona janë vrarë dhe 150 të tjerë janë plagosur në një shpërthim që ndodhi në një xhami në qytetin pakistanez të Peshawarit.

Një pjesë e ndërtesës është shkatërruar dhe zyrtarët kanë thënë se njerëzit kanë mbetur nën rrënoja.

Shumica e atyre që vdiqën ishin pjesë e forcave të policisë dhe besohet se ata ishin objektivi i sulmit.

Zyrtarët e sigurisë kanë thënë se një bombardues i ulur në rreshtin e parë të xhamisë kishte hedhur në erë veten. Asnjë grup nuk e ka pranuar përgjegjësinë e sulmit

Muhammad Ijaz Khan, oficer i policisë së kryeqytetit të Peshawarit, ka thënë për mediat lokale se midis 300 dhe 400 zyrtarë policorë ishin të pranishëm në zonë në kohën e shpërthimit.

Kryeministri Shehbaz Sharif e ka dënuar ashpër atë. Në një deklaratë, Sharif ka thënë se ata që qëndrojnë pas incidentit “nuk kanë asnjë lidhje me Islamin”, raporton “BBC”.

“I gjithë kombi po qëndron i bashkuar kundër kërcënimit të terrorizmit”, ka thënë ai.

Shpërthimi ka ndodhur jatë lutjeve të pasdites në qytetin veriperëndimor pranë kufirit të vendit me Afganistanin.