Qindra mijëra njerëz kanë mbetur pa akses në ujë të pijshëm që nga shpërthimi i digës Kakhovka, ka thënë presidenti i Ukrainës, Volodymyr Zelensky. Ai tha se të paktën “dhjetëra mijëra” njerëz janë ende të bllokuar në zonë.

“Shërbimet tona, të gjithë ata që mund të ndihmojnë njerëzit, janë tashmë në gatishmëri. Por ne mund të ndihmojmë vetëm në territorin e kontrolluar nga Ukraina. Nga ana e pushtuar nga Rusia, pushtuesit as që po përpiqen të ndihmojnë njerëzit”, ka thënë ai. Zelensky dënoi sulmin e digës duke thënë se ai u krye nga forcat ruse dhe ishte “absolutisht i qëllimshëm”.

“Terroristët rusë kanë vërtetuar edhe një herë se janë një kërcënim për çdo gjë të gjallë”, ka shtuar ai.

Kievi dhe Moska kanë akuzuar njëri-tjetrin për hedhjen në erë të digës.