Shteti maltez gjendet përgjegjës për vrasjen e gazetares

29 korrik 16:50

Një hetim publik për vrasjen e gazetares hulumtuese, Daphne Caruana Galizia, në Maltë konstatoi se shteti është përgjegjës për vdekjen e saj.

Raporti, i cituar nga mediat malteze, ka theksuar se shteti nuk ka arritur t’i identifikojë rreziqet në jetën e gazetares dhe të marrë hapa të arsyeshëm për t’i shmangur ato.

Caruana Galizia është vrarë më 16 tetor të vitit 2017, në një sulm me makinë bombë.

Në vitin 2019, kryeministri i atëhershëm i Maltës, Joseph Muscat, dha dorëheqje, pasi u gjet se bashkëpunëtorë të tij të ngushtë ishin të implikuar në rast.

Caruana Galizia ka zbuluar rrjete të gjera korrupsioni brenda Maltës.

Familja e saj ka kërkuar hetime të pavarura publike të vrasjes.

Muscat ka dhënë dritën jeshile për hetime vetëm disa muaj përpara se të jepte dorëheqje.

Në dy vjetët e fundit, hetuesit dëgjuan dhjetëra dëshmitarë, përfshirë hetues, politikanë dhe gazetarë.

Në konstatimet e tyre, të përmbledhura në një raport prej 437 faqesh, ata kanë theksuar se shteti “ka krijuar një atmosferë mosndëshkimi”.

Në raport përmenden “afërsi të pajustifikueshme” midis bizneseve të mëdha dhe Qeverisë malteze.

Deri më tani, vetëm disa individë janë akuzuar për vrasjen.

Në shkurt, një nga tre burrat e akuzuar është deklaruar fajtor dhe është dënuar me 15 vjet burgim.

Të tjerët nuk kanë dalë ende në gjyq.

Lajme të sponsorizuara

Të fundit
Nënë e bijë nga Komuna e Gjakovës që humbën jetën…