Kandidati i PDK-së për Lipjanin, Shukri Buja, ka zhvilluar takime në disa fshatra të kësaj komune, nga ku deklaroi “mobilizimin për ndryshim”. Ai tha se “takimet me shtabet e PDK-së në Poturoc, Torinë, Bujari dhe Llugaxhi treguan mobilizimin dhe pjesëmarrjen e qytetarëve që besojnë në ndryshim”.

“Investimet në këto tri lokalitete do të rriten ndjeshëm, duke sjellë zhvillim dhe kushte më të mira për banorët.

Së bashku me Besimin në Poturovc dhe Torinë, Xhenetën në Bujari, si dhe Rinorin në Llugaxhi, do ta bëjmë të mundur ndryshimin e shumëpritur në Lipjan”, është shprehur Buja.