Sot Isa Mustafa i paraqet LDK-së kabinetin qeverisës

28 prill 09:38

Kryetari i Lidhjes Demokratike të Kosovës, Isa Mustafa, do të zhvillojë sot një takim me grupin parlamentar të partisë së vet, për t’ia paraqitur kabinetin qeverisës dhe për ta marrë aprovimin e tyre. Takimi do të mbahet sot në orën 11:00 në zyrat e grupit parlamentar.

Deputetët e LDK-së do ta shohin përbërjen e qeverisë së re me emra konkretë dhe të gjitha hollësitë e marrëveshjes të cilat ende nuk janë bërë të ditura për publikun.

Me deputetët e LDK-së, Isa Mustafa do të flasë edhe për votimin e kësaj qeverie.

Deri tash nuk mësohet nëse Vjosa Osmani do të jetë pjesë e takimit, duke ditur që ajo haptazi ka shprehur kundërshtimin. Janë edhe tre deputetë të tjerë që janë në dyshim nëse do ta votojnë qeverinë e Avdullah Hotit. Ndërkohë, mësohet se seanca për votim të kësaj qeverie pritet të mbahet të mërkurën, pas takimeve me grupet parlamentare të partive që pritet ta votojnë.

Lajme të sponsorizuara

Të fundit
Pentagon publikoi të hënën tre video që tregojnë pilotët e…