Sot, me rastin e shënimit të 25-vjetorit të fillimit të bombardimeve të NATO-s, do të vendoset gurthemeli i bazës së shtatores së ish-kryeministrit britanik Tony Blair në sheshin “Tony Blair” në Ferizaj.

“Fondacioni “Ne kujtojmë Tony Blair” shënon këtë ditë me nisjen simbolike të gurthemelit të bazamentit të shtatores, ashtu siç nisën edhe bombardimet, pasi ky njeri e mbajti fjalën e dhënë!”, njofton Fondacioni “Ne kujtojmë Tony Blair”.

Inaugurimi i shtatores së ish-kryeministrit britanik Tony Blair, përmbyllja e këtij projekti, do të bëhet më 12 qershor 2024, në 25-vjetorin e çlirimit të Ferizajt dhe Kosovës.

“Ish-kryeministrit britanik Tony Blair i cili bashkë me ish-presidentin amerikan Bill Clinton, janë figurat kyçe prapa këtij intervenimi historik, në kohën më të errët të popullit tonë, të ekzistencës së popullit shqiptar në Kosovë”, thuhet në komunikatën e Fondacionit “Ne kujtojmë Tony Blair”.