Sot tri ndeshje, nesër dy në hendboll

08 dhjetor 10:45

Tri ndeshje të xhiros së 13-të të Superligës së Kosovës për hendbollistë zhvillohen të shtunën (nesër) e dy tjera të dielën. Katër skuadrat e para në tabelë presin të vazhdojnë me fitore edhe në këtë javë.
Ndeshja e parë e javës së 13-të është ajo në mes të Zhegrës dhe Besa Famgas. Zhegra është vendase, por ndeshja luhet në Pejë të shtunën prej orës 18:00. Besa i ka 22 pikë dhe ndanë vendin e parë me Kastriotin. Zhegra është e shtata me 7 pikë.
Nga ora 19:00 luhen dy ndeshjet tjera të së shtunës. Në Vushtrri takohen Vushtrria e Drita kurse ndeshja tjetër është Drenica-Prishtina. Prishtina është e treta në tabelë me 20 pikë kurse Drita e katërta me 18 pikë. Renditja tabelore dëshmon që këto dy skuadra janë favorite.
Ndeshja e parë e të dielës është ajo në mes të Trepçës dhe Samadrexhës. Fillon në ora 16:00, ndërsa zhvillohet në Mitrovicë. Trepça është e parafundit me 5 pikë kurse Samadrexha është e fundit dhe në pritje të pikës së parë. Në ndeshjen tjetër që zhvillohet të dielën, Kastrioti është favorit ndaj Vëllaznimit. Takimi Vëllaznimi -Kastrioti luhet në Gjakovë prej orës 17:00.

Fjalët Kyçe:

Lajme të sponsorizuara

Të fundit
Njohësi i çështjeve ushtarake dhe të sigurisë, Ramadan Qehaja, ka…