Një shpërthim bombe ka goditur një tren që transportonte personel të sigurisë pakistaneze dhe familjet e tyre në provincën jugperëndimore të Baloçistanit të dielën, kanë bërë të ditur zyrtarë, në një tjetër sulm të madh të pretenduar nga militantët separatistë.

Si pasojë e shpërthimit kanë humbur jetën të paktën 24 persona, ndërsa rreth 70 të tjerë janë plagosur, sipas tre zyrtarëve të qeverisë provinciale dhe të sigurisë, të cilët kanë folur në kushte anonimiteti pasi nuk janë të autorizuar të komunikojnë me mediat, shkruan “Reuters”.