Sulmohen oficerët doganor gjatë parandalimit të kontrabandës

19 korrik 16:10

Pas pranimit të informatave për kontrabandë potenciale njësitet e doganës në Mitrovicë pas shumë përpjekjeve kane arritur te ndalojnë një furgon i cili nuk ka përfillur urdhrin për ndalim dhe ka ikur në drejtim te disa fshatrave te Mitrovicës. Kështu thuhet në njoftimin e Doganës së Kosovës.

“Gjatë tentimit për të ikur një automjet tjetër ka penguar zyrtarët doganor duke tentuar të ndal oficerët me veturën e tij. Pas pothuajse një orë është arritur të ndalohet dhe në të janë gjetur sasi e madhe e pijeve te kontrabanduara nga Serbia dhe gjerave tjera ushqimore mbi 1000 litra. Derisa gjatë ditës së sotme zyrtarët e Hetimeve dhe Antikontrabandës së Doganës së Kosovës kanë arrestuar një person M/SH/K i moshës 25 vjeç, për shkak ka tentuar penguar zyrtarët e Doganës së Kosovës në zbatimin e detyrave në aplikimin e ndalesës me ndjekje të një automjeti që ka bartur mallra kontrabandë nga Serbia në Rajonin e Mitrovicës”, është thënë në njoftim, duke u shtuar se personi tjetër duke përdorur automjet me targa fallco ka penguar në vazhdimësi veturën zyrtare të Doganës së Kosovës, ndërsa që sot është identifikuar personi edhe vetura në Prishtinë.

Image may contain: food

“Personi është dërguar në paraburgim sipas urdhrit të Prokurorit të Prokurorisë ndërsa që edhe ngasësi i furgonit do ti nënshtrohet procedurës penale të ndjekjes. Përveç veprës së pengimit në detyrë, personi i arrestuar ka rezistuar arrestimin dhe ka kërcënuar zyrtarët e pranishëm që kanë arritur ta vejnë nën kontroll menjëherë. Malli dhe dy automjetet janë ndalur për procedim të mëtejmë”, përfundoi njoftimi i Doganës së Kosovës.

 

/Epoka e Re/

Lajme të sponsorizuara

Të fundit
Kampionia e tenisit, Serena Williams, ka befasuar të gjithë kur…