Syla me lot në sy: Qeveria e shkarkoi vëllain tim një ditë para grevës, ai ishte luftëtarë i UÇK-së

25 nëntor 20:31

Kryetari i Federatës së Sindikatave të Shëndetësisë së Kosovës, Blerim Syla ka treguar se një ditë para grevës së organizuar nga kjo Federatë, Qeveria e Kosovës i ka shkarkuar vëllain nga pozita e kryeinspektorit.

Syla nuk ka arritur të përmbajë veten derisa ka folur për vëllezërit e tij, njëri prej të cilëve është dëshmorë, e tjetri ka qenë pjesë e UÇK-së.

“Vëllai im është shkarkuar. Vëllai im ka qenë kryeinspektor, ai e ka pas mandatin e vazhduar në shkurt, para se me ardh qeveria. 7 muaj e ka ushtruar këtë detyrë, pak ka tingëllu si  shantazhuese dhe kërcënuese sepse kanë pritur 7 muaj, që një ditë para grevës ta shkarkojnë. Mbrëmë në mbledhjen e qeverisë është shkarkuar”, ka thënë ai në “Frontal”.

Syla në është shprehur se ka qenë e rëndë për ta si familje shkarkimi i vëllait të tij. “Ne kemi qenë tre vllezër, dy kemi studiuar jashtë, babën tim e kanë qit prej punës serbët në vitet e 90’ta dhe atëherë me mund e me gjak me nënën rrobaqepëse na ka shkolluar të treve. Një është dëshmor. Luli që e kanë shkarkuar është luftëtarë i Ushtrisë Çlirimtare të Kosovës. Kjo është e rëndë për një familje, aq më pak për një ish-luftëtar, inxhinier i treguar e i suksesshmë”, ka shtuar ai.

Qeveria shkarkon kryeinspektorin e Inspektoratit të Tregut

Lajme të sponsorizuara

Të fundit
Vllaznim Kelmendi Hazir Sylè Kelmendi,i mbijetuari i masakrès sè Tivarit…